كتبت: علياء علاء
انتشر من ساعات قليلة مقطع فيديو تظهر في 3 نساء، منهم امرأة كبيرة سننا تقف و تنظف الدرج، وعند جلوسها، تهاجمها زوجة ابنها بوحشية، وتحاول ضربها بخشبة، و تسحلها على الدرج، فيما تحاول والدة الزوجة (المرأة الثالثة) التهدئة وفصل الزوجة عن حماتها ، وكانت الضحية منهارة من البكاء لشدة الضرب ، ونشر هذا الڤيديو من حساب بإسم علي نبيل وكان هذا الحساب لإبن الضحية .
تعليق ناشر الڤيديو ( نجل الضحية )
وكتب نبيل معلقا على الفيديو: “أمي حقك عليه يا نور عيني.. لو إني موجود مكنش حصل اللي حصل.. ملعون أبو الغربة.. للأسف دي مراتي اللي بتضرب أمي اللي هيا في مقام أمها.. دا المفروض يعني.. كانت علطول أمي تقولي معليش يا علي وادي آخرتها..مراتي اسمها نداء حمدي أحمد محمد أبو زيد وأمها اللي كانت ظاهرة في الفيديو اسمها راندا محمد العراقي..حبيت انزل الفديو علشان مشين يقولو في البلد أن أمي هيه اللي ضربتها الأول، وهما مش ضربوها بس الحمد لله نسيو إن في كامرات.. قسما بالله إن أني بمر بظروف ما يعلمها الا الله وحق أمي هخدو..نازل مصر إن شاء الله قريب وحسبي الله ونعم الوكيل”.
ردود رواد مواقع التواصل الاجتماعي
أثار هذا الفيديو غضب شديد بين رواد مواقع التواصل الاجتماعي، معتبرين أن ما فعلته الزوجة غير أخلاقي ويحب أن تحاسب عليه، وقال أحدهم معلقا: “إيه كمية الجحود و الغل اللي في قلبها ده دي ما تستاهلش يتقال عليها أم ابنك حسبي الله ونعم الوكيل فيها منها لله وتلاقيه في سكتها منها لله دي مفيش راجل في بيتها عرف يربيها منها لله”.
وأضاف آخر معلقا : ” حسبى الله ونعم الوكيل دى آخرة الام اللى تربى راجل لواحده مش فى قلبها رحمه ولا انسانيه ” ، وآخر جاء معلقا : ” ست الكل حسبي الله ونعم الوكيل ربنا ينتقم وحقها يرجع وترجع بالسلامه ياعلي ان شاء الله ” .
تصريح الحاجة حنان ” الضحية ”
ومن جانبها قالت الحاجة حنان الضحية: «بقالها سنه بتشتمني بس كنت بسكت عشان الناس ما تتفرجش علينا وإبني رجع من السفر بالليل وتم القبض على مراته وهي في النيابه دلوقتي».
