قال الإعلامي سعيد جميل، إن هناك مورثات كثيرة وضعت الرجل في قالب عدم الحديث «عن كونه مضغوط أو مخنوق» من الظروف المعيشية بسبب كونه يحمل لقب «ذكر»، وهذا الأمر أدى إلى ارتفاع نسبة وفيات الرجال في مصر.
وكتب جميل تدوينة عبر صفحته الشخصية على موقع التواصل الاجتماعي «فيسبوك»: «من وانت صغير يتقالك متعيطش انت راجل.. لو في مشكلة اتصرف انت راجل.. لازم تتعلم تجيب فلوس انت راجل.. متشتكيش خالص واستحمل انت راجل».
وأكمل جميل: «متقولش أنا مضغوط ومخنوق امسك نفسك انت راجل.. ازاي مش عارف تلاقي حل وتتصرف انت راجل.. ازاي الموضوع باظ منك أنا كنت حاطط أمل انت راجل».
وأضاف جميل: «موروثات كتير حطت الرجالة في قالب مش عارفين يخرجو منه عشان بس هو بيحمل لقب ذكر وده طبعا أدى لارتفاع نسبة وفيات الرجال بمصر وناقص بقه يتقالو وهو رايح يدفن.. انت إزاي زعلان انت مت ورايح تدفن يا جدع اجمد شويه انت راجل».