حلت الفنانة ليلى علوي ضيفة على الإعلامية لميس الحديدي في برنامجها“ كلمة أخيرة”، أمس، والذي يعرض عبر قناة «ON E».
ودخلت علوي في موجة بكاء أثناء الحوار بعد الحديث عن والدتها الراحلة، والتي تذكرتها بكلمات مؤثرة قائلة: “كنت بفضل أتصل بابني كثير عشين اطمن عليه بس بقالي سنة ونص مش بعمل كده وبمنع نفسي إن أنا أعمل كده علشان ما أسببلوش قلق”.
وأضافت: “بصي أنا اتربيت كده وغصب عني الحب اللي جوايا ليه بيخليني عايزة اتطمن عليه كل ثانية بس كده مش صح”.
وتابعت: “ماما الله يرحمها مكنتش بتنام غير لما أروح البيت أيا كانت الساعة النور يفضل منور وماما ما تنمش غير لما أروح، حتى لو رايحة الشغل الصبح أو راجعة بالليل أو مسافرة الساحل الطريق تقولي خدي بالك مش عارفة إيه فقلت لها أنا كبرت أوي بقي كفاية تعملي معايا كده وبعدين لما هي مشيت وأنا طلعت الساحل وقفت وعيطت إنها مش هتكلمني تطمن عليا”.
وأردفت: “نصيحة لكل الأولاد لا تنزعجوا من اتصال أهلكم عشان يتطمنوا عليكم، دي نعمة كبيرة أوي وحب وخوف عليكم”.
