كتبت غيداء أشرف حنورة:
قال الفنان رشوان توفيق، إنه طيلة حياته لم يكسب مليمًا واحدًا من الحرام.
وأكد خلال لقائه ببرنامج “العاشرة”، المُذاع عبر فضائية «إكسترا نيوز» مع الإعلامي محمد سعيد محفوظ، قائلًا: “عمرى وانا بشتغل مخرج ما مديت إيدي لحد، ولم أكسب مليم حرام أبدًا، وكل شقايا فى كبد”.
وأوضح: “وأنا طالب فى بكالوريوس المعهد العالي للفنون المسرحية، الأستاذ نبيل الألفى كان بيعمل لينا كل سنة فى البكالوريوس مسرحية كاملة، مشيراً إلى أنه كان يحضرها وزير الثقافة ثروت عكاشة، فقال مين عايز يعمل دور الدنجوان فى المسرحية، فأنا اترشحت عشان أعمل الدور، وقعدت أذاكر فى البيت، وعملت المشهد كما أنزل”.
وأفاد أنه: “قام زميل عمل الدور لكنه مكانش حافظ وقعد يغلط، وبعدين نبيل الألفى قال أنا شايف إن فلان دا هو اللى ينفع للدور، هو فى تفكيره الدرامي عرفت بعدين أما هو عمل الدور انه دنجوان من وجهة نظره أكتمل الرجولة، عنده 40 سنة، انا كان سني وقتها حاجة وعشرين، والدور كان صعب، لكنه مقدرش يشيل الدور، فقالى تيجي أنت بكرة حافظ الفصل الأول”.
وتابع: “كنت أمشي فى الشارع أقول المونولوجات، وبالفعل عملت الدور بطريقة متميزة، والألفى قالى شوفت الدكتور القصاص قال ايه وهو واحد من كبار نقاد مصر، قاله: “ابننا اللى عمل الدور أحسن من النجم الفرنساوي اللى انا شوفته”.
