طالب النجم تامر حسني، بإطلاق اسم الدكتور مجدي يعقوب على شوارع وميادين بمصر، وأن يكون هناك تمثال تكريمًا له، وذلك بعد إنجاز الدكتور مجدي يعقوب غير المسبوق والأول من نوعه، وهو تكوين صمامات قلب طبيعية تدوم طول العمر بدلًا من الاستبدال.
ماذا كتب تامر حسني عن مجدي يعقوب؟
وكتب الفنان تامر حسني عبر حسابه على مواقع التواصل الاجتماعي: “للي ميعرفش أولاً.. وأنا طفل كان عندنا درس في العربي إسمُه مجدي يعقوب عشان كان أول طبيب في العالم يعمل عملية زرع قلب وكانت تقريباً سنة ١٩٨٠ يعني الراجل ده أسطورة في عالم الطب من سنين كتيرة مش من دلوقتي”.
وأضاف حسني: “هذا الرجل الملاك وهب كل حياته لخدمة البشرية عارفين يعني إيه كل حياته لحظة بلحظة لخدمة البشرية، لخدمة ولادنا لخدمة الإنسانية لخدمة الطب وكل دكاترة المستقبل”.
وتابع: “النهاردة دكتور مجدي يعقوب بيحقق كمان إعجاز طبي جديد بعد ٤٥ سنة من أول إنجاز يعني بصراحة الراجل ده أعظم رمز في العالم للنجاح وفضل ينجح ويتحدى نفسه لحد ما حقق معجزة طبية مفيش ولا دكتور في العالم عملها، إلا دكتورنا المصري العربي حاجة تشرف أوي حاجة عظيمة أوي”، مطالباً بعمل تمثال له، قائلًا: “الراجل ده لازم يبقى في شوارع وميادين بإسُمه لازم يبقى ليه تمثال لازم يتعمله أكبر تكريم إنساني في تاريخ مصر والعالم كل الشرف والفخر بإنك مصري عربي”.
