تصدرت ألحان تامر عاشور التريند، وذلك بعد تكريمه بجائزتين من بيلبورد “أفضل أغنية مصرية 2024، وأغنية العام على مستوى الوطن العربي عن أغنية “هيجيلي موجوع”، ووجه رسالة شكر عبر حسابه الرسمي بموقع التواصل الاجتماعي “إكس”.
أعرب تامر عاشور عن سعادته قائلاً: «الحمد لله.. أنا بعتبر 2024 خلصت على كده باستلام الجائزتين المهمين جدًا من بيلبورد اللي بجد بشكرهم من كل قلبي أفضل أغنية مصرية 2024، وأغنية العام على مستوى الوطن العربي لنفس السنة».
وتابع عاشور قائلاً: «الحقيقة عندي رسالة ولازم أوضحها بشكل أتمني تستوعبوه.. صُناع العمل اللي فُزت بيه بالأرقام وهم شغالين عارفين كويس جدًا إن حواليهم ملحنين وشعراء وموزعين جامدين، وشاطرين ويتعملهم ألف حساب وشغالين مع أنجح النجوم في مصر على مدار سنين.. علشان كده صناع العمل نجحوا ودخلوا وسط الكبار بالأعمال».
وأضاف، أنهم من أجل إيمانهم بمن حولهم نجحوا، مؤكدُا أنه على الصهيد الشخي مؤمن بكل الموهوبين والفناين الكبار الذين حوله أيا كان ما يقدموه.
وأكمل: « أيًا كانوا بيقدموا إيه سواء راب، أو بوب، أو شعبي المهم عنده الموهبة ولا معندوش.. مش متخصص في المزيكا ولا مش متخصص.. سيد درويش اتعلم الكتابه في سن الـ10 سنوات وتم تلقيبه بـ فنان الشعب».
واستكمل عاشور قائلاً: «عمرها ما كانت شرط انا تجربتي كانت اني دخلت كليه تربيه موسيقيه ومتوفقتش فيها بسبب ايه مثلا تفتكروا ؟ نسبه الغياب والله ومع ذلك لحنت فوق الـ 150 لحن لكل فنانين الوطن العربي بلا استثناء ما عادا واحد بس وانا مش قسم تأليف موسيقي ولا حاجه وعندنا فنان كبير برضه كان عمل اعمال كتير مكسره الدنيا وكان خريج حقوق ف، بالعكس والا بقى كل الأساتذة المتخصصين والطلاب اللي بيدَرّسوا ويدرسوا ف الكليات والمعاهد الفنيه بقوا نجوم كبار ومبقاش حد بيدَرِّس بقى! محدش ودنه بتتصمم بطريقه معينه علشان دارس موسيقى.. ده اسمه تضليل، يقولوا على نفسهم متخصصين وبيزوروا »
واختتم كلامه: «تضليل الناس في البرامج بأرقام وهميه وبيرتبوا كمان هم رقم كام ف السوق ومقفلين اللعبه بشكل عبقري عالآخر واعلى اغنيه عندهم السنه دي لا تتخطى ال ٧ مليون السؤال بقى هل علشان ربنا كتب ليا النجاح السنادي ب افضل اغنيه على مستوى الوطن العربي وافضل اغنيه ف مصر يبقى انا ملك العالم ؟ او باقي الفنانين مالهمش وجود .. بما فيهم المُضلل حتى ؟ انا متأكد وعلى يقين ان ممكن بكره فنان ولا انا ولا انت سمعنا عنه يعمل عمل فني محترم وياخدها السنه الجايه وده تنافُس وده جمال المزيكا وحلاوتها انها بتتنوع وتختلف من شخص لآخر ببصمه كل شخص موهوب مش دارس ولا متخصص علشان نخلق رصيد يستفيد منه الجمهور بدون تزوير في ارقام وضحك ع الدقون ف برامج ..واخيرا … شوف انت بتعرف تعمل A وانا بعرف اعمل A بعرف اعمل الـ 2».
ألحان تامر عاشور للفنانين
قام الفنان تامر عاشور بتلحين العديد من أغاني الفنانين وعلى رأسهم شيرين عبد الوهاب أغنية “عودتني الدنيا” و أنغام أغنية “كان برئ” من أخر ألبوماتها “تيجي نسيب” وغيرهم مثل تآمر حسني و أمال ماهر وأصالة و إليسا.
ألحان تامر عاشور لفنانين العرب
- أغنية «بتتهرب» لفريق واما.
- أغنية «أنت لغيري» للفنانة آمال ماهر.
- أغنية «سهرانة أنا» للفنانة نداء شرارة.
- أغنية «أربع أئمة» للفنان تامر حسني.
- أغنية «بقى طبيعي» أصالة نصري
- أغنية «ياريتك فاهمني» للفنانة أنغام.
- أغنية «لوحة باهتة» للفنانة أنغام.
- أغنية «هيلف ويرجعلي» للفنانة إليسا.
- أغنية «لسه بتسأل» للفنانة ديانا حداد
- أغنية «قلبك يا حول الله» للفنان بهاء سلطان.
- أغنية «تحدي» للفنان بهاء سلطان.
- أغنية «صحابى» للفنانة كارول سماحة.
- أغنية «على قد حالى» للفنان خالد عجاج.
- أغنية «الله أعلم» للفنان فضل شاكر.
- أغنية «زى عادتها» للفنان مدحت صالح.
- أغنية «أصعب طريق» للفنان حلمي عبدالباقي.
- ـأغنية «افتكر» للفنان لؤي.
- ـ أغنية «سنين الشوق» للفنان فضل شاكر.
- اغننية «الجنية» للفنان الراحل عامر منيب من فيلم «الغواص».
