قالت الفنانة نشوى مصطفى، إن ذكريات طفولتها في الماضي هي من تُهون عليها مرارة الأيام.
وأضافت نشوى، خلال تدوينة لها عبر صفحتها الشخصية على موقع التواصل الاجتماعي «فيسبوك»: «وأنا صغيرة كنا كل سنة بنروح أسبوع مصيف تبع شغل أبويا ذكريات الأسبوع ده من يوم السفر واحنا رايحين ميدان التحرير الساعة ٦ الصبح علشان ده مكان تجمع أتوبيسات شغل أبويا اللي بتودى الموظفين وأسرهم المصيف ومن قبلها كمان واحنا بنحضر المايوه والجردل والجاروف والعوامة السودة اللي كانت عبارة كاوتش عربية نقل».
وتابعت نشوى: «والله والله طعم الذكريات دى هى اللي أنا باستدعيها لما أحب أغمض عينى وأستريح من غباوة الدنيا اللي عايشينها ولا تقولو لى بقى ساحل طيب ولا ساحل شرير ولا حتى أوروبا».
وأكملت نشوى: «والله مش برفاهية الأماكن لكنها براحة البال والونس مع القلوب الطيبة.. الله يرحمك يا ابويا كل حاجة حلوة فى حياتى كانت بسببك حتى الذكريات الحنينة».
